Sa humigit kumulang 7,107 na isla, ang Pilipinas ay kilala sa pagkakaroon ng pinakamahabang  baybaying-dagat sa buong mundo, na sa kabuuang teritoryal na tubig ay binubuo 2,200,000 km2,  mas malaki kaysa sa kabuuang sakop na lupain. Dahil dito, ang pangingisda ang isa sa napakahalagang industriya sa bansa. Noong 1995, ang Pilipinas ay naitala bilang ika-12 sa pinakamalaking taga angkat ng isda sa buong mundo, at ika-4 sa na nag-aalaga ng aquaculture production. Masasabi din na kalahati ng protina na nasa pagkain ng bawat Pilipino ay galing sa isda at iba pang pagkaing-dagat.

Noong 1978 , pinagtibay ng Pilipinas ang 200-nautical-mile exclusive economic zone na sumasakop sa mga 2.2 milyong kwadrado kilometro ng tubig pangingisda. Masasabing ilang milyong Pilipino ang nakadepende sa pangingisda sa ating karagatan, na kung saan ay kadalasang maliit na mangingisda na gumagamit ng tradisyonal na paraan, diskarte at kaalaman, na ang madalas na kagamitan lamang ay ang  mga sariling gawa na lambat at maliliit na Bangka.

Nitong mga nakaaraan taon, mas tumitindi ang agawan ng teritoryo sa pagitan ng ilang mga kalapit na bansa sa Timog Silangang Asya na pilit umaangkin sa ilan sa ating mga isla, bahura, bangko, at iba pang mga nasasakupan, katulad ng Spratly Islands , Scarborough Shoal , Reed Bank at iba pa. Ito ay dahil sinasabing ang mga bahaging ito kabilang sa mga pinakamayamang marine life sa mundo.